Cerkak

TUKU KLAMBI ANYAR

Dening  : Shalsa Nur Fadella

           Jam lima esuk aku tangi banjur wudhu lan sholat subuh,bar sholat subuh aku ngewangi Ibu masak kanggo sarapan sekeluarga.Sawise rampung mangsak lan sarapan aku,Ibu,Bapak uga guneman sadhela.

Aku matur dhumateng bapak ibu:

“Pak, Bu kula niki dipun tumbaske klambi anyar!”.

“Alah ndhuk mokya sesuk - sesuk meneh bapak ki lagi ora nduwe duwit!”.wangsulane    Bapak

“Ndhuk klambimu ki rak wes akeh to,mbokya rasah tuku klambi anyar!”.Ibu nanduki ngendikane Bapak.

“Lha kula niku kepingin kanca - kanca sing klambine apik –apik niku lho Pak, Bu!”.Aku nyoba ngerih-erih atine Bapak lan Ibuku supaya gelem nukokake klambi anyar kanggo aku.

“Yo sesuk nek wes nduwe duwit,saiki bapak tak kerja sikik kowe ngewangi Ibumu kuwi ngeresiki omah!”.Wangsulane Bapak.

”Inggih pak”.

            Aku lan Ibu banjur reresik omah dening adhiku dolanan ing ngarep omah,aku ngresiki cawang ing gendheng-gendheng, nyulaki meja lan liya-liyane,dening Ibuku nyapu.Sawise omah wis resik aku kaliyan Ibu leren.Aku gawe wedhang lan jupuk maeman kagem ibuku.

”Bu,unjukan ipun menika dipun unjuk rumiyin kaliyan dipun dhahar rumiyin.

”Yoh ndhuk tak ombe lan maeme yo kesel j ming reresik omah we.”Wangsulane Ibu.

”Lha inggih Bu”.

”Bu aku nyuwun mimike”.Omonge adhiku.

”Yoh ndhuk,tak damonane sikiben adem.Ibu nanduki

Bar leren jam sanga aku adus mergane adem tenan,bar adus aku dolanan karo adhiku nganti jam setengah sewelas.Bar dolanan aku banjur delok tv nganti jam rolas awan. Sawise delok tv aku krungu adzan dzuhur banjur aku wudhu lan sholat dzuhur.

Aku sholat dzuhur wis rampung banjur aku nyuwun donga marang gusti allah swt mugi-mugi kula sekeluarga dipunparingi sehat,waras,murah rejekine ,lan liya-liyane.Bar kuwi aku turu ketuk jam setengah telu.

Jam setengah telu aku adus,bar adus aku sholat ashar, bar kuwi aku ngewangi Ibu mangsak dingo maem mengko.Sakwise rampung, Ibu banjur siram,dening Bapak nembe kundhur saking kerja.Aku banjur gawekke wedhang bapakku.

”Pak unjukanipun dipun unjuk rumiyin!.

”Yoh ndhuk,aku tak adus sikik wae,Ibumu mau rak wes rampung tole adus?”.Wangsulane Bapak

”Sampun pak!”.Ibu nanduki ngendikane Bapak.

“Yoh aku tak adus sikik bune!.”Wangsulane Bapak.

“Nggih riko Pak!”Wangsulane Ibu.

            Aku lan Ibu mendhet maeman kanggo maem bareng – bareng mengko. Sakwise rampung aku,Bapak,Ibu,lan adhiku maem bareng – bareng ing meja maem.

            Sakwise rampung dhahar Bapak ngejak aku lungonganggo motor.

”Pak niki mangke badhe ten pundi?”.

”Anggere melu rak mengko ngerti!”.Wangsulane Bapak.

”Kula kok dados penasaran nggih Pak! hehehe”.

“Haiyo ndhuk”.

            Neng dalan aku lan Bapak krungu adzan maghrib ing masjid aku lan Bapak mandhek wundhu lan sholat,bar kuwi aku lan Bapak ngrungokake ceramah Bapak ustadz. Sawise rampung ceramah aku lan Bapak neruske laku sing aku ora ngerti arep neng ngendi.

“Pak kok niki lakune kok tebih sanget Pak?”.

”Njak hooh j ndhuk mengko kowe mesthi seneng”.wangsulane Bapak.

“Inggih nopo Pak??”

“Haiyo ndhuk…”

            Neng dalan aku lan Bapak krungu adzan isya banjur mandheg meneh ing masjid pinggir  desa.Sakwise wudhu lan sholat isya aku lan Bapak ngrungokake ceramah Bapak ustadz meneh.Sakwise ceramah rampung aku lan Bapak neruske laku,dalane rame banget ana sing nganggo mobil,motor,truk,bis,sepedha,lan liya liyane.

            Sakwise tekan ana ing toko kang gedhe banget aku kaget, jebulane Bapak ngejak aku tuku klambi ing toko kuwi mau.Aku dikon Bapak milih klambi endi sing tak senengi,aku banjur milih klambi muslim.

”Pak kula niki nggih?”.

”Yoh ndhuk,aku tak milih klambi kanggo Ibumu lan adhimu sikik yo ndhuk?”.Wangsulane Bapak.

“Inggih pak”.

            Bar rampung milih klambi aku lan Bapak banjur menyang ing kasir lan mbayar.Aku kaliyan bapak terus mulih,neng dalan aku weruh becak motor kang apik banget rasane aku pengen numpak.

sakwise ketuk ngomah aku lan bapak mudhun banjur ngelebokke motor ing jero omah aku lan bapakku mlebu,adhiku langsung nyaut kresek sing di asta Bapak,adhiku seneng banget yen di tuokke klambi anyar.

“Pak klambine kok apik!”.Omonge adhiku.

“Lhaiyo, kowe seneng to ndhuk?”.Wangsulane Bapak

“Lhaiyo Pak..hehehe”

            Bar kuwi aku sinau tekan jam sanga bengi, aku lan adhiku banjur bobok,dening Ibu kaliyanBapak inggih sare.Aku lan adhiku ora lali ndonga supaya ora ngimpi elek lan supaya bisa turu.